Ամերիկուհի Շարոն Լավոն Ռուսոն Մուրհեդի դատարանի վճառով (Մինեսոտա նահանգ) դատապարտվել է երկօրյա բանտարկության եւ 1 տարվա պայմանական ազատազրկման՝ իր հարեւանուհուն շնորհավորական բացիկ ուղարկելու համար: Մասնավորապես, կինը խախտել է հարեւանների հետ ոչ մի տեսակի առնչություն չունենալու դատական հրամանը, հաղորդում է lenta.ru-ն՝ վկայակոչելով In Forum-ին:
Հարեւանների հետ շփումը արգելող վճիռը կայացվել էր մի քանի տարի առաջ՝ մշտական կոնֆլիկտների պատճառով:
Կնոջ փաստաբանը դատարանում հայտարարել է, որ բացիկը չէր կարող վնասել հարեւան ընտանիքին, սակայն «զոհը» պնդել է, որ վախեցել է ամանորյա շնորհավորանքից:
Դատավոր Գալեն Վաան վճռել է, որ շնորհավորական բացիկը կարող էր վախեցնել մարդկանց եւ Ռուսոյին երկօրյա բանտարկության եւ 1 տարվա պայմանական ազատազրկման է դատապարտել:
