Ամենայն Հայոց Կաթողիկոս Գարեգին Բ-ն, այսօր՝ սեպտեմբերի 23-ին, հովվապետական այցով մեկնել է Ծայրագույն Արեւելք:
Մայր աթոռի տեղեկատվական համակարգից հայտնում են, որ այցի ընթացքում Նորին Սրբությունը կլինի Հնդկաստանում, Սինգապուրում եւ Մյանմարի Միությունում:
Նրան ուղեկցում են Ավստրալիայի եւ Նոր Զելանդիայի հայոց թեմի առաջնորդ, Հնդկաստանի եւ Ծայրագույն Արեւելքի հայրապետական պատվիրակ Տ. Հայկազուն եպիսկոպոս Նաջարյանը, Հնդկաստանի հայոց հոգեւոր հովիվ, Կալկաթայի Հայոց Մարդասիրական ճեմարանի կառավարիչ Տ. Զավեն աբեղա Եազիչյանը եւ Մայր Աթոռի Դիվանատան Ներեկեղեցական հարաբերությունների գրասենյակի տնօրեն Տ. Պարույր քահանա Ավետիսյանը: