Թուրքական դպրոցներում թույլատրել են մահմեդական գլխաշոր՝ չարշավ կրելը, հայտնում է The Daily Sabah-ը: Խոսքը միայն պետական ուսհաստատությունների ավագ դասարանների մասին է: «Մասնավոր եւ հոգեւոր դպրոցների սաները նախկինի պես կենթարկվեն ներքին կարգուկանոնին:
Փոխվարչապետ Բյուլենթ Արընչը հայտարարել է, որ սեպտեմբերի 22-ի կառավարության նիստում որոշվել է փոփոխություն կատարել կրթության մասին օրենքում: Փոփոխությունը վերաբերում է աշակերտների եւ ուսուցիչների տեսքին:
Ավելի վաղ նրանք պարապմունքներին պարտավոր էին մասնակցել բաց գլխով: Տեքստից այս արտահայտությունը հանվել է, փոխանցում է Lenta.ru-ն:
Կառավարության նախաձեռնությունն արդեն ոչ միանշանակ արձագանք է գտել թուրք հանրթյունում:
Աջ կուսակցությունների կողմնակիցները ողջունում են օրենքի տեքստում փոփոխությունը՝ դրանում տեսնելով հավատացյալների իրավունքների ընդլայնում եւ պատմական անարդարության շտկում: Ձախերն իրենց հերթին նշում են, որ փոփոխությունը երկրի իսլամականացման եւ աշխարհիկ պետությունից հրաժարվելու հերթական քայլն է, որի հիմքերը դրել էր դեռեւս Քեմալ Աթաթուրքը:
