Միացյալ Նահանգներում հաղորդավարուհի Շառլո Գրինն ուղիղ եթերում հայտարարել է աշխատանքից հեռանալու մասին՝ նշելով, որ որոշել է իրեն ամբողջությամբ նվիրել «Ալյասկա Cannabis Club»-ում աշխատանքին: Նա այդ արել է՝ կարդալով բժշկական նպատակներով մարիխուանայի օգտագործման մասին լուրը: «Գրողի ծոցը… Ես ազատվում եմ աշխատանքից»,- հաղորդավարուհու հայտարարությունն է մեջբերում The telegraph պարբերականը:
Շառլոն իր անսպասելի հայտարարությամբ հեռուստադիտողներին ցնցել է KTVA հեռուստաալիքի երեկոյան թողարկման ընթացքում՝ կարդալով պետության որոշումն այն մասին, որ պետք է քվեարկություն անցկացնել՝ որոշելու համար, արդյո՞ք արժե Կոլորադոյում եւ Վաշինգտոնում արգելել մարիխուանան: Շառլո Գրինն առաջիններից է եղել, ով զեկույց է ներկայացրել բժշկական նպատակներով մարիխուանայի օգտագործման եւ «Ալյասկա Cannabis Club» անվանումով իր բիզնեսի մասին:
Հաղորդավարուհին ուղիղ եթերում հայտարարել է, որ դադարեցնում է լրագրողական գործունեությունը՝ հավելելով. «Հիմա բոլորդ գիտեք այդ մասին: Այդ պատճառով ես դադարեցնում եմ իմ լրագրողական գործունեությունը, որպեսզի ամբողջ էներգիաս ուղղեմ ազատության եւ արդարության համար պայքարին, որը սկսվելու է Ալյասկայում մարիխուանայի օրինականացումից»: