Եռյակի (ԲՀԿ, ՀԱԿ, «Ժառանգություն») այսօր՝ սեպտեմբերի 23-ին, ԱԺ-ում կայացած նիստում քննարկվել են մարզային այցելություններին, իշխանությանը ներկայացված 12 կետերին ու հանրահավաքի օրակարգին վերաբերող հարցեր: Այս մասին նիստից հետո լրագրողներին հայտնել է «Ժառանգություն» խմբակցության ղեկավար Ռուբեն Հակոբյանը:
Նրա խոսքով՝ հանրահավաքի օրակարգը դեռ ձեւավորվում է եւ դեռ հստակ չէ, իշխանափոխության պահանջն անտեղ տեղ կգտնի, թե ոչ: «Հարցեր կան, որոնք բնականաբար պետք է հնչեն, բայց օրակարգ ենք ձեւավորում, որտեղ ամենատարբեր պահանջները կարող են լինել»,-ասել է նա՝ հավելելով, որ հստակ չէ նաեւ եռյակի ուժերի առաջնորդների մասնակցության հարցը: