Գլենդել քաղաքը հայկական ծագմամբ քաղաքացու՝ Բենիամին Քեշիշյանի հետ խաղաղ համաձայնության շրջանակներում 55 հազար դոլար կվճարի: Քեշիշյանը դիմել է դատարան՝ ոստիկանի կողմից իր նկատմամբ էլեկտրաշոկեր կիրառելու բողոքով, գրում է «Glendale News-Press» թերթը:
Հիշեցնենք, որ քալիֆորնիական Գլենդել քաղաքում հայը դատական գործընթացում է տեղական ոստիկանության հետ, որն իր խոսքով, չարաշահել է ուժի կիրառումն ու օգտագործել է էլեկտրաշոկեր: Բենիամին Քեշիշյանը պնդում է, որ հիվանդանոց է տեղափոխվել այն բանից հետո, երբ Գլենդելի ոստիկան Սթիվ Քիմը էլեկտրաշոկեր է կիրառել գիտակցությունից զրկելու համար իր իսկ մեքենայում, որը կանգնեցրել էին ստուգելու համար: Քեշիշյանի խոսքով՝ նա խոսել է ոմն Քիմի հետ մոտ չորս րոպե, սակայն հետո գիտակցությունից զրկել է ու ձերբակալել անհնազանդություն ցուցաբերելու համար: Սակայն հետո մեղադրանքը նրա վրայից հանել են: