Ռուսաստանի Պետական դուման կարող է սեպտեմբերի 26-ին վավերացնել Եվրասիական տնտեսական միության մասին համաձայնագիրը: Այդ մասին հաղորդում է ԻՏԱՌ-ՏԱՍՍ-ը՝ վկայակոչելով ստորին պալատում ԱՊՀ, եվրասիական ինտեգրացման եւ հայրենակիցների կապերի գործերով պրոֆիլային հանձնաժողովի ղեկավար Լեոնիդ Սլուցկիին:
«Հանձնաժողովը կառաջարկի սեպտեմբերի 26-ին վավերացնել»,- հաղորել է Սլուցկին:
Նա ընդգծել է, որ նախապես սեպտեմբերի 25-ին համաձայնագրի նախագիծը կդիտարկի հանձնաժողովը, որի նիստին ներկա կլինի Եվրասիական տնտեսական միության նախագահ Վիկտոր Խրիստենկոն:
Նշենք, որ միության ստեղծման մասին համաձայնագիրը ստորագրել են Ռուսաստանի, Ղազախստանի եւ Բելառուսի նախագահները 2014թ.-ի մայիսի 26-ին եւ այն ուժի մեջ կլինի 2015թ.-ի հունվարի 1-ից: