Վատիկանում մանկապղծության մեղադրանքով ձերբակալել են նախկին պապական նվիրակի(դեսպան)՝ լեհ արքեպիսկոպոս Յոզոֆ Վեսոլովսկուն, հաղորդում է ԻՏԱՌ-ՏԱՍՍ գործակալությունը (itar-tass.com):
Մասնավորապես, ինչpես հաղորդել է Սուրբ Աթոռի տպագրության ծառայության ղեկավար հայր Ֆեդերիկո Լոմբարդին, Վեսոլովսկու դեմ առաջ են քաշվել «լուրջ մեղադրանքներ անչափահասների նկատմամբ սեռական հանցագործությունների վերաբերյալ»:
Նրա խոսքով՝ գործը վերաբերում է Դոմինիկյան հանրապետությունում առկա փաստերին, որտեղ էլ սկսել են հետաքննությունը: 67-ամյա Յոզեֆ Վեսոլովսկին գտնվում է տնային կալանքի ներքո:
Նշենք, որ ձերբակալությունը տեղի է ունեցել Հռոմի պապ Ֆրանցիսկոսի անձնական թույլտվությամբ:
Հատկանշական է, որ նախկինում Վեսոլովսկու նկատմամբ արդեն կիրառվել էին վարչական պատիժներ՝ կապված մանկապղծության մեղադրանքների հետ:
