Սասեքսի համալսարանի գիտնականները պարզել են, որ սմարթֆոնի, դյուրակիր համակարգչի, պլանշետի եւ այլ գաջեթների միաժամանակյա օգտագործումը փոխում է ուղեղի կառուցվածքը: Նրանց մոտ, ովքեր չարաշահում են բազմախնդրությունը, մոխրագույն նյութի խտությունը նվազում է ուղեղի կեղեւի այն հատվածում, որը պատասխանատու է ճանաչողական գործառույթի եւ զգացմունքների վերահսկողության համար:
Մագնիսային տոմոգրաֆիայի օգնությամբ 75 հասուն մարդու հետազոտությունը ցույց է տվել, որ միաժամանակ մի քանի սարք օգտագործելու (ոչ միայն համակարգիչներ եւ սմարթֆոններ, այլեւ հեռուստացույց) սովորություն ունեցողների մոտ ուղեղի այդ հատվածում մոխրագույն նյութն ավելի պակաս խտություն ունի: Ըստ Lenta.ru-ի, հարցվածների սովորույթների վերաբերյալ վիճակագրությունը ստացվել է նախնական հարցաթերթիկային հարցման միջոցով:
Նոր հետազոտությունը համապատասխանում է նյարդաֆիզիոլոգիայի այլ տվյալների հետ: Մի քանի սարքից օգտվելու սովորությունն ավելի վաղ կապում էին թույլ ուշադրության եւ այնպիսի էմոցիոնալ խնդիրների հետ, ինչպիսին է դեպրեսիան:
Ուղեղի կառուցվածքը փոփոխվում է ամենատարբեր փորձի ազդեցությամբ, եւ պարտադիր չէ, որ բացասական: Այլ հետազոտությունների արդյունքում պարզվել է, որ մոխրագույն նյութի խտությունը ձեւափոխվել է, օրինակ՝ Լոնդոնի քարտեղն ուսումնասիրող տաքսու վարորդների եւ սկսնակ աճպարարների մոտ:
