Կանադայի Համայնքների պալատի անդամները սեպտեմբերի 26-ի քննարկումների ընթացքում անդրադարձել են նաեւ սիրիական Դեր-էզ-Զոր քաղաքում «Իսլամական պետության» գրոհայինների կողմից Սուրբ Նահատակների հայկական եկեղեցու պայթեցմանը՝ դատապարտելով այդ երեւույթը:
Համայնքների պալատի անդամ Չունսեն Լյոնը հայտարարել է. «Այն ժամանակ, երբ աշխարհը հետեւում է Իրաքում եւ Սիրիայում տեղի ունեցող իրադարձություններին, մենք դարձյալ ցնցվում ենք «Իսլամական պետության» վերջին գործողությունները: Մի քանի օր առաջ մենք իմացանք, որ ԻԼԻՊ-ը կործանել է Սուրբ Նահատակների հայկակական եկեղեցին ու թանգարանը՝ Հայոց ցեղասպանության զոհերի հիշատակին նվիրված հուշահամալիրը, որտեղ պահվել են նրանց մասունքները, ովքեր զոհվել են 1915թ.-ին: Եւս մեկ սրբավայրի մտադրված ու բարբարոսական կործանումը դարձյալ ցույց է տալիս ԻԼԻՊ-ի իրական էությունը եւ նրա օրակարգը, որը հիմնված է ատելության ու անհանդուրժողականության վրա: Մեր կառավարությունը շարունակում է քննադատել ԻԼԻՊ ահաբեկչական կազմակերպությանը, որը ոտնահարում է բոլոր մարդկանց իրավունքները»:
Խորհրդարանի մեկ այլ անդամ Հարոլդ Ալբրեխտը խնդրել է արտգործնախարարության եւ միջազգային իրավունքի հարցերով խորհրդարանական քարտուղար Դիպիկա Օբհրային մեկնաբանել է իրավիճակը՝ ասելով. «Ավելի վաղ այս շաբաթ մենք տեղեկացանք, որ ԻԼԻՊ-ը դարձյալ հարված է հասցրել՝ այս անգամ ոչնչացնելով Սիրիայում հայկական եկեղեցին ու Հայոց ցեղասպանության զոհերի հուշահամալիրը»:
Դիպիկա Օբհրային ի պատասխան հայտարարել է. «Մեր կառավարությունը զղջում է ԻԼԻՊ-ի կողմից Սուրբ Նահատակների հայկական եկեղեցու, ինչպես նաեւ Սիրիայի Դեր-էզ-Զորում Սուրբ Նահատակների թանգարանի կործանումը: Սա ԻԼԻՊ-ի անհարգալից վերաբերմունքոի եւս մեկ օրինակ է կրոնական ազատության եւ մարդկային արժանապատվության նկատմամբ: ԻԼԻՊ-ի հարձակումներն անկարգ են, ուղղված են քրիստոնյաների, շիաների եւ սունիների դեմ, ինչպես նաեւ նրանց սրբավայրերի դեմ: Կանադան շարունակում է դատապարտել ահաբեկչական այդ խմբավորմանը, որը կրում է իսլամի խեղաթյուրված ուղերձ, սպասնում է հազարավոր անմեղ մարդկանց»:
Հիշեցնենք, որ սեպտեմբերի 21-ին՝ Հայաստանի Հանրապետության անկախության օրը, «Իրաքի եւ Լեւենտի Իսլամական պետություն» խմբավորման անդամներն ականապատել էին ու պայթեցրել Սուրբ Նահատակաների հայկական եկեղեցին Դեր-էզ-Զոր քաղաքում: Դեր-էզ-Զոր անապատը հայերի մահվան ճանապարհն էր դարձել, որոնք զոհվել էին Օսմանյան կայսրության ծրագրած ու իրականացրած ցեղասպանության հետեւանքով: