Չեխիան Հայոց ցեղասպանության 100-րդ տարելիցի նախաշեմին անպայման կասի իր վճռական եւ արդարացի խոսքը: Այս մասին, այսօր՝ սեպտեմբերի 27-ին, Հայաստանի ԱԺ-ում կայացած մամուլի ասուլիսում նշել է ՀՀԿ-ական պատգամավոր, Չեխիա այցելած հայկական պատվիրակության անդամ Տաճատ Վարդապետյանը:
Նրա համոզմամբ, հայկական պատվիրակության այցը Չեխիա կարելի է համարել խորհրդարանական դիվանագիտության աննախադեպ ձեռքբերում: «Մեր այցելության ընթացքում պայմանավորվածություններ են ձեռք բերվել, որ հետագայում քննարկվելու է հայ-չեխական տնտեսական համագործակցությունը»,-նշել է Վարդապետյանը՝ հավելելով, որ Չեխիայում Հայաստանի դեսպանատունը լուրջ ձեռքբերումներ է արձանագրել: