Աշխարհահռչակ Apple կորպորացիային հարկային խախտումների համար մի քանի միլիարդ դոլար տուգանք է սպառնում: Ընկերությունը կարող է տուգանվել կասկածելի հարկային սխեմաների պատճառով, որոնք 20 տարի շարունակ օգտագործվել են Իռլանդիայի իշխանությունների աջակցությամբ, հաղորդում է «ԻՏԱՌ-ՏԱՍՍ»-ը՝ վկայակոչելով «The Financial Times»-ին:
Պարբերականը հաստատում է, որ այս շաբաթ Եվրահանձնաժողովը կհրապարակի կորպորացիայի նկատմամբ իրականացված հետաքննության արդյունքները, որը, աղբյուրի համաձայն, Իռլանդիային 2%-ից էլ քիչ տոկոսադրույքով հարկեր է վճարել՝ իռլանդական իշխանությունների հետ կնքած գործարքների շնորհիվ օգտվելով «ապօրինի» օգնությունից:
Ընկերությունում պնդում են, որ ոչ մի օրենք չեն խախտել:
