Ազատագրված Քարվաճառի շրջանում հուլիսին ադրբեջանցի դիվերսանտների կողմից դաժանաբար սպանված 16-ամյա Սմբատ Ցականյանի գործով նախաքննությունը դեռ շարունակվում է:

NEWS.am-ին Լեռնային Ղարաբաղի Հանրապետության առաջին ատյանի ընդհանուր իրավասության դատարանի Ստեփանակերտի նստավայրից հայտնեցին, որ գործը քննվելու է իրենց մոտ, սանկցիան արդեն կա, սակայն քրեական գործի նախաքննությունը դեռ չի ավարտվել:

Նշենք, որ սեպտեմբերի սկզբին ԼՂՀ վարչապետ Արա Հարությունյանը հանդիպել էր 16-ամյա Սմբատ Ցականյանի ծնողներին եւ հայտնել, որ շուտով  դատավարությունը սկսվելու է: 

Հիշեցնենք, որ հուլիսի 10-ին լուրեր էին տարածվել, որ ադրբեջանցի դիվերսանտները Քարվաճառի 176ամյա մի բնակչի են գերեվարել, որին մի քանի օր շարունակ հարազատները գտնել չէին կարողանում: Հուլիսի 15-ին տղայի դին հայտնաբերել են, իսկ մեկ օր անց էլ հուղարկավորել նրան փակ դագաղով, հարազատներին թույլ չեն տվել նույնիսկ դիակը տեսնել: Սպանության փաստի առիթվ ԼՂՀ ոստիկանությունում հարուցվել է քրեական գործ ՔՕ 103-րդ հոդվածի 1-ին մասով, այն է՝ սպանությունը, ապօրինաբար մեկ ուրիշին կյանքից զրկելը: Սեյրան Օհանյանը լրագրողների հետ զրույցում հայտարարել էր,  որ ըստ նախնական վարկածի՝ քարվաճառցի տղային սպանել է հուլիսի 11-ին Քարվաճառ ներթափանցած դիվերսիոն խմբի վերջին ձերբակալված անդամը։