Շվեդական «Երկարագուլպա Պեպին» դասական հեռուստասերիալի նորացված տարբերակը եթեր դուրս կգա որոշակի փոփոխություններով, փոխանցում է Lenta.ru-ն:
Ըստ աղբյուրի` նոր հեռուստանախագիծը մտադիր են թողարկել 2014 թ. դեկտեմբերին:
Թարմացված տարբերակում բարելավվել են ձայնը եւ պատկերը: Փոփոխությունները վերաբերում են այն տեսարաններին, որոնցում Պեպին, օրինակ, իր հոր մասին խոսում է որպես «նեգր թագավորի» կամ նրանց, որտեղ աղջիկը չինացու է նմանակում:
Շվեդական ինքնատիպ հեռուստասերիալը թողարկվել էր 1969 թ. եւ ունի 13 սերիա: նույնանուն երկսերիանոց երաժշտական ֆիլմ-հեքիաթ էր նկարահանվել նաեւ ԽՍՀՄ-ում` 1984 թ.:
