Երեւանում գտնվող «Միկա» մարզադաշտը մոտ 1 ամիս գտնվում է Ֆինանսների նախարարության ենթակայության տակ, սակայն նախարարությունը մարզահամալիրի հետ կապված «որեւէ ծրագիր չունի»:
NEWS.am-ը հարցում էր ուղարկել ֆիննախ՝ պարզելու մարզադաշտի «ճակատագիրը»: Նախարարության պատասխանը հետեւյալն է. «Ի պատասխան Ձեր հարցման՝ հայտնում ենք, որ «Միկա» մարզահամալիրը ՀՀ ֆինանսների նախարարությանն է հանձնվել «Արմավիա» ընկերության պարտքի դիմաց: Այս պահի դրությամբ՝ «Միկա» մարզադաշտի հետ կապված որեւէ ծրագիր Ֆինանսների նախարարությունը չունի»:
Նշենք, որ մարզադաշտն աճուրդի էր հանվել Միկա Բաղդասարովին պատկանող եւ սնանկացած «Արմավիա» եւ «Միկա Քորփորեյշն» ընկերությունների հարկային պարտավորությունների պատճառով: Մարզադաշտը պետությանն է փոխանցվել 9 մլրդ 45 մլն դրամի դիմաց: Դրանից 7 մլրդ 172 մն դրամը պետք է որ ուղղվի «Արմավիայի» (365,3 մլն դրամ) եւ «Միկա Քորփորեյշն»-ի հարկային պարտքերի փակմանը, իսկ 1 մլրդ 508 մլն դրամը ունեցվածքի փոխանցման ԱԱՀ-ն է:
Հիշեցնենք, որ մարզադաշտն աճուրդի էր հանվել օգոստոսի 25-ին, մեկնարկային գինը կազմում է 9 մլրդ դրամ: Աճուրդի վերջնաժամկետը սեպտեմբերի 4-ն է: օգոստոսի 25-ին, մեկնարկային գինը կազմում է 9 մլրդ դրամ:
