Բրազիլիայի հյուրանոցներից մեկում սեպտեմբերի 29-ին աշխատակցին պատանդ վերցրած տղամարդը հանձնվել է ոստիկանությանը եւ ազատել ապտանդին, փոխանցում է Associated Press-ը՝ վկայակոչելով տեղի մամուլը։

Ըստ աղբյուրի` չարագործը ոմն Ժակ Սոուզա դը Սանտոսն է, որը հյուրանոցում էր սեպտեմբերի 27-ից: Ոստիկանության ներկայացուցիչը պատմել է, որ տղամարդը հանցագործությունը ծրագրել է վերջին մի քանի օրը, սակայն նրա նպատակը պարզ չէ: Պարզվել է, որ ատրճանակը, որով տղամարդն սպառնացել էր հյուրանոցի աշխատակցին, խաղալիք է եղել: Միջադեպի հետեւանքով ոչ ոք չի տուժել:
Հիշեցնենք, անհայտ անձը Բրազիլիայի մայրաքաղաքում գրավել էր Սուրբ Պետրոսի հյուրանոցի շենքը եւ պատանդ վերցրել աշխատակիցներից մեկին։