«Տրանսաերո» ավիաընկերության օդանավը՝ 108 ուղեւորներով, որը Եկատերինբուրգից Կիպրոս էր թռչում, արտակարգ վայրէջք է կատարել Վոլգոգրադում՝ ուղեւորներից մեկի մոտ սկսված արյունահոսության պատճառով, հայտնում է «ՌԻԱ Նովոստին»՝ վկայակոչելով օդանավակայանի ներկայացուցիչ Տատյանա Ֆոմիչեւային:
Ըստ նրա՝ տղամարդուն առաջին օգնություն է ցուցաբերվել, ինչից հետո նրան հանձնել են Վոլգոգրադի 25-րդ հիվանդանոցի վերակենդանացման բրիգադին: Ֆոմիչեւան մասնավորեցրել է, որ ուղեւորը Եկատերինբուրգում կտրել էր ձեռքը, իսկ թռիչքի ժամանակ ճնշման տատանումների հետեւանքով վերքը բացվել էր եւ սկսել արյունահոսել:
Միջադեպիս հետո Boeing 738-ը կրկին օդ է բարձրացել եւ իրականացրել չվերթը: