Արարատի նախկին քաղաքապետ Հակոբ Թովմասյանը չի մասնակցելու հոկտեմբերի 3-ին Արարատի Վազգեն Սարգսյանի հրապարակում կայանալիք հանրահավաքին: Այս մասին NEWS.am-ի թղթակցի հետ զրույցում ասաց Հակոբ Թովմասյանը:
«Ես, ճիշտ է, անկուսակցական եմ, բայց մշտապես ՀՀԿ-ի կողքին եմ եղել»,-ասաց նա: Դիտարկմանը, թե ՀՀԿ-ն կարծես դա չի գնահատել, քանի որ այսօր Արարատի քաղաքապետը ուրիշ է, Հակոբ Թովմասյանը մեծահոգաբար է մոտենում այդ հանգամանքին՝ ասելով, որ ոչինչ:
Միեւնույն ժամանակ, նա վստահեցրեց, որ ազատ մարդ է, եթե ուզենա, կմասնակցի: Չմասնակցելու պատճառը, նախկին քաղաքապետի փոխանցմամբ, ամենեւին էլ պաշտոնի սպասելիքները չեն: Նա այժմ աշխատում է «Տեղեկատվական համակարգի զարգացման կենտրոն» հ/կ-ում, որը համայնքներում ծրագրեր է իրականացնում, դրանից բացի՝ զբաղվում է նաեւ բիզնես գործունեությամբ:
