Հայաստանը կարող է կամուրջ դառնալ Եվրասիական միությունում՝ Եվրամիությունից կատարվող առեւտրի համար, սեպտեմբերի 30-ին հայ-հունական գործարար համաժողովի բացմանն ասել է ՀՀ նախագահ Սերժ Սարգսյանը:
Ըստ նրա՝ հունական ընկերությունները կարող են շահագրգռված լինել իրենց համար Եվրասիական տնտեսական միության շուկան բացելու հարցում, ուր Հայաստանը մտադիր է մտնել ոչ հեռու ապագայում:
Հայաստանն իր հերթին հետաքրքրված է հույն գործընկերների հետ համատեղ զբոսաշրջային ծրագրերի հարցում, որոնք ավանդաբար փորձառու եւ հաջողակ են այդ ոլորտում:
«Եթե մենք կարողանանք համագործակցել հունական ընկերությունների հետ, Հայաստանը մեծ օգուտներ կստանա, իսկ երկու կողմերի գործարարները՝ շահավետ բիզնես: Հայաստանում մենք տուրիզմի նկատելի աճ ենք արձանագրում, ուստի համագործակցությունը կարող է շատ կարեւոր արդյունքներ տալ», - հավելել է ՀՀ նախագահը:
