Հայաստանի պետբյուջեի դեֆիցիտը 2014թ. կկազմի ՀՆԱ-ի 1,5 %: Այս մասին սեպտեմբերի 30-ին հայտարարել է Հայաստանում ԱՄՀ առաքելության ղեկավար Մարկ Հորթոնը: Ըստ նրա՝ այս թիվը շատ ավելի ցածր է նպատակային ցուցանիշներից, այն է՝ ՀՆԱ-ի 2,3 %-ից: Կանխատեսման փոփոխության հիմնավորումը պետբյուջեի չիրացվածությունն է:
Հորթոնը նշել է, որ ԱՄՀ-ի առաքելությունն արդեն բանակցություններ վարել է ֆինանսական մարմինների հետ՝ հաջորդ տարվա բյուջեի նախագծի հարցով:
«Մենք բյուջեի մի փոքր ավելի դեֆիցիտ ենք տեսնում՝ այն պայմաններում, որ հավելյալ ծախսերն ուղղվում են ներդրումներին: Որոշ միջոցներ կկիրառվեն պետբյուջեի չիրացվածության հարցի լուծման համար, ինչը, ըստ մեզ, դրական ազդանշան է»,- հայտարարել է ԱՄՀ ղեկավարը: