Գլխավոր դատախազությունը հերթական քրեական գործն է հարուցել Ուկրաինայի նախկին նախագահ Վիկտոր Յանուկովիչի դեմ, փոխանցում է «Ուկրաինսկայա պրավդան»՝ մեջբերելով Կիեւում սեպտեմբերի 30-ի մամուլի ասուլիսում գլխավոր դատախազ Վիտալի Յարոմայի հայտարարությունը:
Ըստ աղբյուրի՝ նախկին նախագահը կասկածվում է «Ուկրտելեկոմ» ընկերության աշխատանքները պետբյուջեի միջոցներով ֆինանսավորելու մեջ:
Ըստ գլխավոր դատախազի՝ քննությունը պարզել է, որ հատուկ կապի ցանցը ֆինանսավորել են 2010 թ. հոկտեմբերից մինչեւ 2013 թ, հուլիս՝ այն ժամանակվա վարչապետ Նիկոլայ Ազարովի, ֆինանսների նախկին նախարար Յուրի Կոլոբովի, նրա առաջին տեղակալ Անատոլի Մարկովսկու, Հատուկ կապի պետական ծառայության ղեկավար Գենադի Ռեզնիկովի եւ «Ուկրտելեկոմի» Դիտորդական խորհրդի անդամ, Դզենիկի հետ հանցավոր պայմանավորվածությամբ: