Թող իշխանությունը չսպառնա աշխատանքից ազատել այն մարդկանց, որոնք մասնակցում են եռյակի հանրահավաքներին: Այս մասին, այսօր՝ սեպտեմբերի 30-ին, ԱԺ-ում հայտարարությունների ժամին իր ելույթում նշել է ԲՀԿ խմբակցության պատգամավոր Տիգրան Ուրիխանյանը:
Նրա խոսքով՝ իշխանությունը ավելի լավ բան չի գտել, քան փորձել քարեր նետել նրանց վրա, որոնք ցավում են ժողովրդի, սովածների, նվաստացածների համար: «Իսկ այդ մարդկանց ճնշում են, նրանց անընդհատ կանչում են ոստիկանություն: Նրանք, ումից կախված է այդ մարդկանց աշխատանքը, սպառնում են խլել նույնիսկ այն նվազագույնը, որը նրանք վաստակում են»,-հայտարարել է Ուրիխանյանը:
Նա ընդգծել է, որ յուրաքանչյուր նման սպառնալիք հակաօրինական է, իսկ եռյակի (ԲՀԿ, ՀԱԿ, «Ժառանգություն») պատգամավորները պատրաստ են լսել յուրաքանչյուն նման բողոք եւ պաշտպանել այդ մարդկանց իրավունքները:
