«Դեմ եմ Ստեփանակերտի հասարակական տրանսպորտի թանկացմանը» քաղաքացիական նախաձեռնությունը դիմել է Ստեփանակերտի քաղաքապետին՝ կոչ անելով ուղեվարձի թանկացումը հետաձգել մինչեւ 2015թ. պետական բյուջեի մասին օրենքի ընդունումը:
Կոչում, մասնավորապես, ասվում է.
«Դեմ եմ Ստեփանակերտի հասարակական տրանսպորտի թանկացմանը» քաղաքացիական նախաձեռնության անդամները՝ լրագրողների ներկայությամբ, սեպտեմբերի 29-ին, հանդիպում են ունեցել Արցախի վարչապետի հետ:
Հանդիպման ժամանակ քննարկվել են հասարակական տրանսպորտի թանկացումը կանխելու տարբերակներ: Վարչապետը հանրային տրանսպորտի ոլորտի սուբսիդավորումը հնարավոր է համարել պետբյուջեում համապատասխան հոդվածների փոփոխության դեպքում: Քանի որ Ազգային ժողովում 2015թ. պետական բյուջեի քննարկմանը քիչ ժամանակ է մնացել, իսկ նոր սակագնի մասին որոշումն ուժի մեջ է մտնում հոկտեմբերի 1-ից, ուստի նախաձեռնող խումբը կոչ է անում Ստեփանակերտի քաղաքապետարանին սույն որոշումը կասեցնել մինչեւ 2015թ. պետական բյուջեի մասին օրենքի ընդունումը, որտեղ հնարավոր կլինի ներառել հանրային տրանսպորտի սուբսիդավորման մասին կետ»: