Խորհրդարանական քառյակը կդիմի Ազգային ժողովում ներկայացված բոլոր քաղաքական ուժերին՝ կոչ անելով ԱԺ անհապաղ խորհրդակցություն անցկացնել «Շրջանառության հարկի մասին» օրենքի շուրջ: Այդ մասին այսօր՝ հոկտեմբերի 1-ին, խորհրդարանական քառյակի ներկայացուցիչների նիստի ավարտից հետո հայտարարեց ԲՀԿ խմբակցության պատգամավոր Միքայել Մելքումյանը:
Նրա խոսքով՝ եթե խոսնակի մոտ խորհրդակցության արդյունքներով «Շրջանառության հարկի մասին» օրենքի չեղարկման հարցով կոնսենսուս ձեռք չբերվի, ապա խորհրդարանը կօգտագործի ԱԺ-ի արտահերթ նիստ գումարելու հնարավորությունը: «Կսպասենք իրադարձությունների զարգացմանը, քանի որ մյուս քաղաքական ուժերը գիտակցել են այդ օրենքի չեղարկման կարեւորությունը», - ասաց Մելքումյանը՝ նշելով, որ այսօր Գյուրիում մեծ ցույց է կկազմակերպվի: Քաղաքի խանութները փակված են:
Հիշեցնենք, որ 2014թ. հոկտեմբերի 1-ից ուժի մեջ է մտնում «Շրջանառության հարկի մասին» ՀՀ օրենքը, ըստ որի առեւտրականներն իրենց ապրանքաշրջանառության վերաբերյալ փաստաթղթեր պետք է ներկայացնեն հարկային մարմնին, հակառակ դեպքում ձեռնարկությունը կտուգանվի:
