Ռուսաստանի Դաշնության խորհուրդը վավերացրել է Եվրասիական տնտեսական միության մասին պայմանագիրը (ԵՏՄ), հայտնում է «ԻՏԱՌ-ՏԱՍՍ»-ը:
Աղբյուրի համաձայն՝ որոշումն ընդունվել է միաձայն՝ 140 պատգամավորների կողմից: «Պայմանագրի վավերացումը պատմական իրադարձություն է», - հայտարարել է Դաշնային խորհրդի նախագահ Վալենտինո Մատվիենկոն:
ԵՏՄ-ի ստեղծման մասին պայմանագիրը Ռուսաստանի, Ղազախստանի ու Բելառուսի նախագահները ստորագրել են 2014թ մայիսի 29-ին: Միության շրջանակներում ապահովվում է ապրանքների, ծառայությունների եւ աշխատուժի ազատ տեղաշարժ, տնտեսական ոլորտներում համակարգված, համաձայնեցված եւ միասնական քաղաքականության իրականացում:
Փաստաթղթով ազգային օրենսդրությունների ներդաշնակեցման համար տաս տարի ժամկետ է սահմանված: Ծրագրվում է, որ Ղազախստանը պայմանագիրը կվավերացնի հոկտեմբերի 2-ին, իսկ Բելառուսը՝ հոկտեմբերի 7-ին:
