Հայաստանի երեք խորհրդարանական ուժերը («Բարգավաճ Հայաստան», «Ժառանգություն», «Հայ ազգային կոնգրես») «փողոցային քաղաքականության»՝ ցույցերի կամ նմանատիպ ակցիաների միջոցով չեն կարող ազդել երկրի ներքաղաքական իրավիճակի վրա: Այդ մասին այսօր՝ հոկտեմբերի 1-ին, մամուլի ասուլիսի ժամանակ հայտարարեց Կովկասի ինստիտուտի փոխտնօրեն, քաղաքագետ Սերգեյ Մինասյաը:
Նրա խոսքով՝ վերջին կադրային նշանակումները ցույց տվեցին, որ իշխանություններին ընդդիմության գործողությունները չեն մտահոգում: «Ընդդիմությունը իշխանության վրա ազդեցության լծակների չի տիրապետում. Ազգային ժողովի դասավորվածությունն արդեն վկայում է մասին», - ընդգծեց Մինասյանը: Հետեւապես, հոկտեմբերի 10-ին նախատեսված համատեղ համահանրապետական ցույցը ոչ մի էական նշանակություն չի ունենա: