Խորհրդարանական մեծամասնությունը՝ հանձին ՀՀԿ-ի, տապալել է «Արտակարգ դրության իրավական ռեժիմի մասին ՀՀ օրենքում ՀԱԿ-ի անդամ պատգամավորների նախաձեռնած փոփոխությունների ընդունումը: Օրինագծին «կողմ» է քվեարկել 35 պատգամավոր, դեմ՝ 59, ձեռնպահ է մնացել 5-ը:
Քվեարկությունից առաջ ՀՀԿ խմբակցության քարտուղար Գագիկ Մելիքյանը նշել է, որ իրենց խմբակցությունը դեմ կքվեարկի օրինագծին, քանի որ գործող օրենքում հակասահմանադրական ոչ մի դրույթ չեն գտել:
Իր հերթին ՀԱԿ խմբակցության քարտուղար Արամ Մանուկյանը նշել է, որ օրինագծում խոսքը միայն հակասահմանադրական դրույթների մասին չէ. «Մենք բարձրացրինք այս հարցը, որպեսզի բանակը չմասնակցի երկրի ներքաղաքական կյանքին»:
