Ավստրալիայի օդուժը հոկտեմբերի 1-ից կմիանա «Իսլամական պետության» խմբավորման դեմ ՆԱՏՕ-ի առաքելությանը, հայտնում է BBC-ի ռուսական ծառայությունը՝ վկայակոչելով երկրի վարչապետ Թոնի Էբոտին:
Նրա խոսքով՝ ռազմական գործողություններին մասնակցելու վերջնական որոշում դեռեւս չի ընդունվել, սակայն հոկտեմբերի 1-ից ավստրալական ինքնաթիռները կթռչեն Իրաքի օդային տարածքով՝ դանակիցների գործողություններին սատարելու նպատակով:
Աղբյուրը հիշեցնում է, որ սեպտեմբերին Ավստրալիան առաքելությանը մասնակցելու նպատակով 8 կործանիչ-ռմբակոծիչ եւ մոտ 600 զինվորական ու քաղաքացիական մասնագետ էր ուղարկել:
Միեւնույն ժամանակ, Ավստրալիայի ոստիկանությունը Մելբուրների հարակից վայրերում հակաահաբեկչական գործողություններ է անցկացնում, իսկ իշխանությունները ԻՊ-ի սպառնալիքի պատճառով խստացրել են անվտանգության համակարգը: