Ջինսերի հայտնի ապրանքանիշերի արտադրողները մտադիր են մեծացնել ջինսերի գրպանները: Պատճառը նոր iPhone 6 Plus չափերն են, որոնք անհարմարություններ են պատճառում օգտատերերին, հաղորդում է Business Insider-ը:
iPhone 6 Plus եւ այլ մեծ չափերի սմարթֆոնների համար նոր ջինսեր ստեղծելու ցանկություն են հայտնել արդեն American Eagle, Levi's, Uniqlo, LL Bean, J Crew եւ Lee Jeans ապրանքանիշները:
Ինչպես նշում է պարբերականը, նոր fashion-բիզնես ջինսի մոդելների ստեղծմանը ոգեշնչել են նոր սմարթֆոնների օգտատերերի տպավորությունները: Մասնավորապես, նրանցից շատերը դժգոհ են, որ սմարֆոնները չեն տեղավորվում տաբատի գրպանների մեջ:
Նոր մոդելների թողարկման ամսաթիվը դեռեւս չի հաղորդվում:
Նոր սերնդի Apple սմարթֆոնը վաճառքի է հանվել 2014թ. սեպտեմբերից: