Անհասկանալի է, թե ինչ են ցանկանում ընդդիմության պատգամավորները: Այդ մասին Հայաստանի խորհրդարանում հոկտեմբերի 1-ին հայտարարել է վարչապետ Հովիկ Աբրահամյանը: Նրա խոսքով՝ նրանցից շատերի պահվածքը նույնիսկ մեծ ցանկության դեպքում հնարավոր չէ անվանել ձգտում կառուցողական երկխոսության:
Նա նշել է, որ ընդդիմությունը հաճախ կառավարության առաջարկությունները դիմավորում է ոչ թե փաստարկներով, այլ կրքերի բորբոքմամբ, որը ցանկանում է խորհրդարանի դահլիճի սահմաններից դուրս հանել: Տպավորություն է ստեղծվում, որ ընդդիմությունը 2008թ.-ի մարտի 1-ի դեպքերի կրկնությունն է ցանկանում, հավելել է վարչապետը:
«Դուք դա եք ուզո՞ւմ: Մենք չենք հասկանում, թե ինչու է դա ձեզ հարկավոր: Դուք խոսում եք արտագաղթի մասին, սոցիալական հարցերի, աղքատության մասին: Եկեք միասին աշխատենք: Միգուցե, շատ խելացի գաղափարներ առաջարկեք: Միգուցե, մեկ ամսվա ընթացքում կօգնեք երկիրը դուրս բերել սոցիալական եւ տնտեսական բարդություններից: Եթե ինչ-որ գաղափարներ ունեք, մենք պարզապես ուրախ կլինենք»,- հայտարարել է Աբրահամյանը:
