ՀՀԿ-ական պատգամավոր Արմեն Կարապետյանը լրագրողներին չբացեց կուսակցական ընկերոջ`Առաքել Մովսիսյանի գաղտնիքը: Երբ նիստից հետո մի քանի պատգամավոր մնացին դահլիճում` զրուցելու ֆինանսների նախարար Գագիկ Խաչատրյանի հետ, նրանց միացավ նաև Կարապետյանը: Քիչ հետո նա դահլիճից դուրս եկավ` հեռախոսով զրուցելու:
«…Փարաքարի տռասի վրա: Որտե՞ղ: Շմայսի օբյեկտի մոտ», - այս խոսքերով մագնիսական դաշտի պես իր կողմը ձգեց դռան մոտ սպասող լրագրողներին: Սակայն նրանց խնդրանքին` նշելու «Շմայսի օբյեկտը», Կարապետյանը տվեց շատ ընդգրկուն պատասխան. «Դե ասեցի, Փարաքարի խճուղու վրա»:
Այն հարցին, թե ինչ եկամուտ է բերում «օբյեկտը» Առաքել Մովսիսյանին, Կարապետյանը հորդորեց՝ ոսկե սարեր պետք չպատկերացնել: «Դե չէ, էնպես էլ չի, որ ծերը ծերին ա հասցնում: Նորմալ աշխատում ա: Աշխատող տղա է», - վստահեցրեց Կարապետյանը: