Իսրայելի վարչապետ Բենյամին Նեթանյահուն հույս ունի, որ ԱՄՆ նախագահը թույլ չի տա, որպեսզի Իրանի եւ համաշխարհային գերտերությունների միջեւ միջուկային վերջնական համաձայնությունը Թեհրանին հնարավորություն ընձեռի միջուկային զենք ստեղծել: Այս մասին իսրայելցի վարչապետը հայտարարել է հոկտեմբերի 1-ին Վաշինգտոնում ԱՄՆ նախագահ Բարաք Օբամայի հետ հանդիպման ժամանակ:
Reuters-ի փոխանցմամբ՝ Նեթանյահուն ասել է, որ Իրանի կողմից ատոմային ռումբի ստեղծման կանխումը կրիտիկական նպատակ է: Նա ամերիկյան առաջնորդին նաեւ կոչ է արել Իրանի հետ միջուկային ծրագրի շուրջ բանակցություններում օգտագործել իր լծակները՝ Թեհրանի կողմից նման զենքի ստեղծման հնարավորությունը բացառելու համար: