Երաժշտական «Cassetteboy» հումորային խումբը Պահպանողական կուսակցության կոնֆերանսի ժամանակ Մեծ Բրիտանիայի վարչապետ Դեւիդ Քեմերոնի ելույթը վերածել է ռեփի, հաղորդում է «The Guardian»-ը:
Դուետի ստեղծած հոլովակում վարչապետը կարդում է իր ելությի ավարտական հատվածը ռեփ երաժշտական ժանրում:
Քեմերոնի ձեւափոխված ելույթը Էմինեմի «Lose Yourself» հայտնի երգի վարկած է, որտեղ հնարավոր է լսել հետեւյալ հանգը(անգլերենից թարգամանաբար հանգը փոխվում է)՝ «Ես հարդ-քոր եմ, գիտեմ հաշիվները» եւ «Աղքատները զզվում են ինձնից», որից հետո «Ես համոզվեցի, որ մենք պատրաստ ենք դասային պատերազմին»:
Հոլովակը դիտելուց հետո ոմանք ավելի շատ հավանել են Քեմերոնի իրական ելույթը: Մյուսները ենթադրում են, որ «Cassetteboy»-ի առաջարկած վարկածն ավելի հաջողված է: