Մինչեւ հունվարի 1-ը Հայաստանի հարկային ծառայությունը պետք է դադարեցնի փոքր եւ միջին բիզնեսի ստուգումները: Այս մասին հոկտեմբերի 1-ին լրագրողներին հայտարարեց Ազգային ժողովի ԲՀԿ խմբակցության պատգամավոր, տնտեսական հարցերի խորհրդարանական հանձնաժողովի փոխնախագահ Միքայել Մանուկյանը:
«Կառավարության ներկայացուցիչների հետ քննարկումների ընթացքում մենք ասացինք, որ կցանկանայինք տեսնել որեւէ իրավական ակտ՝ լինի դա կառավարության կամ վարչապետի որոշում, ըստ որի՝ մինչեւ հունվարի 1-ը հարկային մարմինները որեւէ ստուգմամբ չեն այցելի փոքր եւ միջին բիզնեսին, բացի այն ընկերությունները, որոնք կապ ունեն պաշտպանական արդյունաբերության հետ կամ հիմնավոր կերպով կասկածվում են թմրանյութերի շրջանառությանը մասնակցության մեջ»,- հավելեց Մելքումյանը:
Հիշեցնենք, որ հոկտեմբերի 1-ին Հայաստանում ուժի մեջ են մտել Շրջանառության հարկի մասին օրենքի փոփոխությունները, որոնք գործելու են փոքր բիզնեսի համար (տարեկան մինչեւ 58.3 մլն դրամի շրջանառություն ունեցող): Առեւտրի սուբյեկտների համար այն 3.5%-ից նվազում է մինչեւ 1%: Միաժամանակ, պահանջվում է բոլոր գործարքների լիարժեք փաստաթղթավորում: Օրենքը փոքր առեւտրականների բողոքի պատճառ է դարձել, ովքեր մի քանի բողոքի ցույց են անցկացրել: Նրանց խոսքով, պահանջել հաշիվ-ապրանքագիր, հատկապես՝ խոշոր բիզնեսից, անիրական է: