ԱՄՆ ՊՆ-ն «Իսլամական պետություն» շարժման դեմ գործողության համար արդեն շուրջ մեկ միլիարդ դոլար է ծախսել, հոկտեմբերի 2-ին հայտնում է NBC News-ը:
Ըստ Պենտագոնի մասնագետների գնահատականի՝ հունիսի 16-ից ի վեր, երբ ԱՄՆ-ի օդուժը սկսեց հետախուզական թռիչքները տարածաշրջանում, գործողության արժեքը կազմել է օրական 7,5 մլն դոլար: Ծախսերը օրական 10 մլն դոլարի են հասել օգոստոսի 8 –ից, երբ սկսեցին օդային հարվածներ հասցնել գրոհայինների դիրքերին:
Գործողության գինը կտրուկ աճեց այդ թվում նաեւ թանկարժեք բարձրտեխնոլոգիական զենքի պատճառով, որն օգտագործում են ամերիկացի օդաչուները: Այսպես, գործողության առաջին գիշերը գրոհայիններին դիրքերին արձակվել է 47 «Տոմահավկ» հրթիռ, որոնցից յուրաքանչյուրի արժեքը գերազանցում է 1 մլն դոլարը: ԱՄՆ-ն ընդհանուր առմամբ 200 օդային հարված է հասցրել, փոխանցում է հեռուստաալիքը:
Ավելի վաղ Center for Strategic and Budgetary Assessments կենտրոնը ԻՊ-ի դեմ ԱՄՆ-ի պայքարի ծախսերը 780-930 մլն էր գնահատել: