Ռուսաստանը կորցրել է միջազգային հանրության վստահությունը, եւ այն կվերադարձնի միայն Ուկրաինայի տարածքից իր զորքերի դուրսբերումից հետո: Ըստ MIGnews-ի՝ այս մասին հայտարարել է ԵԱՀԿ դիտարկման հանձնախմբի ղեկավար, գլխավոր զեկուցող Շտեֆան Շեննահը:
Նա, միաժամանակ, նշել է, որ Ուկրաինայում գոյություն ունեն ներքին գործոններ, որոնք նպաստել են այդ միջամտությանը: Շեննահը նման գործոնների թվին է դասում պետական հաստատությունների գործունեության ոչ բավարար հստակությունը, կոռուպցիան, օլիգարխների շահերի միջեւ պայքարը:
Շտեֆան Շեննահն անհանգստություն է հայտնել հակամարտության գոտում մարդասիրական իրավիճակի կապակցությամբ: Ուկրաինայի հարցով համազեկուցող Մայլիս Ռեփսն իր հերթին հավելել է, որ ուկրաինական իշխանությունները պետք է իրականացնեն օրենսդրության ոլորտում խոստացած բարեփոխումները:
Աղբյուրը հիշեցնում է, որ Դանիայի խորհրդարանի պատգամավոր Միքայել-Աաստրուպ Էնսենն ավելի վաղ՝ ԵԱՀԿ աշնանային նստաշրջանի ընթացքում, հայտարարել էր, որ եթե Ռուսաստանն իր զորքերը դուրս չբերի Ուկրաինայից, անհրաժեշտ կլինի նրան բացառել Եվրախորհրդից: