Հայաստանում շարունակում են չլուծված մնալ զբաղվածության հետ կապված խնդիրները: Այս մասին հոկտեմբերի 2-ին խորհրդարանում հայտարարել է ՀՀ օմբուդսմեն Կարեն Անդրեասյանը՝ ներկայացնելով իր գրասենյակի 2013թ. տարեկան զեկույցը:
Նա նշել է, որ պետության կողմից հաշմանդամների համար նախատեսված աշխատանքային քվոտաները չեն լրացվում:
Ըստ նրա` իր հետ զրույցներում գործատուները պարզաբանում են, որ այդ խմբի մարդկանց աշխատանքի ընդունելն իրենց համար այլեւս ձեռնտու չէ: «Նախկինում նրանք դրա համար պետությունից արտոնություններ են ստացել: Այժմ այդ արտոնությունները նվազել են», -բացատրել է Անդրեասյանը: Նա հավելել է, որ պետական մարմիններն էլ հակադարձում են, թե արտոնությունները կրճատվել են նրա համար, որ հենց դրանց պատճառով էլ հիմնականում վարձում էին հաշմանդամներին, հաճախ` ձեւական:
