Հայաստանում պետպատվերով քիմաթերապիան պատշաճ կերպով չի իրականացվում: Այդ մասին այսօր՝ հոկտեմբերի 2-ին, խորհրդարանում հայտարարեց օմբուդսմեն Կարեն Անդրեասյանը:

Նա նշեց, որ մի շարք դեպքերում հիվանդները դիմել են քիմաթերապիա անցնելու համար, սակայն համապատասխան դեղորայք ու բուժում չեն ստացել: «Սա լուրջ խնդիր է եւ վերլուծության կարիք ունի: Բոլոր հիվանդների համար դեղորայք չի բավարարո՞ւմ, թե՞ դրանք չեն տրամադրվում: Իսկ միգուցե անհրաժեշտ է ավելացնել դրանց գնումները՝ հիվանդների թվաքանակի աճի պատճառո՞վ: Այս հարցերը լուրջ քննարկումների կարիք ունեն, եւ այստեղ մենք չենք կարող առանց խորհրդարանի օգնության», - նշեց Անդրեասյանը: