«Բարգավաճ Հայաստան» խմբակցության պատգամավոր Ռուստամ Գասպարյանի որդու՝ Ռոմա Գասպարյանի գործով քննությունը սառեցված է, ինքն էլ «անորոշ նստած է»: Այս մասին NEWS.am-ի թղթակցի հետ զրույցում ասաց Ռուստամ Գասպարյանը: «Ոչ մի նորություն չկա, դեռ կալանքի տակ է, անորոշ նստած է, քննությունը սառեցված է, դեռ «զադերժկա» են անում, չգիտեմ, երեւի սպասում են քաղաքական իրավիճակը ոնց կդասավորվի, ըստ այդմ իրենք կվարվեն»,-ասաց նա:
Պատգամավորն ասաց, որ հասել են առերեսումների փուլին, սակայն ոչինչ չի արվում, որովհետեւ տուժողը Հայաստանում չէ, քննությունը դանդաղ է ընթանում: «Բողոքողը հո գիժ չի՞, որ հայտնվի, նրան կարգավիճակ էր պետք, որ հետապնդման մեջ է, նեղում են, հետապնդում են որպես փոքրամասնոթյուն, այդպես գնացել է, իրեն տուն, տեղ, աշխատանք է ապահովել եւ ապրում է: Եթե չկա տուժող, բողոքող կողմ, պետք է ստիպված բաց թողնեն»,-ասաց պատգամավորը:
Կալանքը անփոփոխ թողնելու Վերաքննիչ դատարանի որոշումը հավանաբար այս շաբաթ նրանք կբողոքարկեն Վճռաբեկ դատարանում: Նրանք սպասում են, թե երբ քրեական գործի նախաքննությունը կավարտվի, այն կուղակեն դատարան, որտեղ Ռուստամ Գասպարյանի վստահեցմամբ հիմք չունենալու պատճառով որդուն ազատ կարձակեն:
Հիշեցնենք, որ Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանը վերահաստատել է Ռոմա Գասպարյանի նկատմամբ՝ երկամսյա կալանքը որպես խափանման միջոց ընտրելու հարցը: Մեղադրանքը առաջադրվել է ՀՀ քրեական օրենսգրքի 131 հոդվածի 2-րդ մասի 1-ին կետի հատկանիշներով: Նրան տեղափոխել են «Նուբարաշեն» ՔԿՀ:
Ավելի վաղ Ռուստամ Գասպարյանը NEWS.am-ի թղթակցի հետ զրույցում ասել էրհետեւյալը. «Բողոքողն էլ գալուբոյ է, գալուբոյ տղա է, համասեռամոլ, մարդ չի փախցրել իմ տղան: Էդ գալուբոն 27 տարեկան էշ, ինտերնետներով կապնվում է,18 տարեկան երեխեքին տանում փչացնում է եւ մեկն էլ մի տարածքից մի երեխու հետ, սա էլ դիմում ա, իմ տղեն գնում է դրա հետ հանդիպում, գալիս են, խոսում են, մեծ-մեծ է խոսում, խփում են ու էդ ձեւ սարքեցին առեւանգում, սարքեցին էս ու էն»:
