Դուբայում շարիաթի դատարանը որոշել է ամուսնական զույգին ամուսնալուծել, քանի որ կինը գտնվում է «ջինի ազդեցության տակ», հայտնում է BBC-ն:
Տղամարդը բողոքել էր, որ կինը կատաղիորեն հրաժարվում է ամուսնական պարտքը կատարելուց եւ բոլորովին իր հետ սեռական հարաբերության մեջ չի մտնում: Բոլոր պահանջների համար նա խնդրում է դիմել իր ծնողներին, որոնք էլ իրենց հերթին հայտարարում են, թե իրենց դստեր մեջ վաղուց ջինն է նստած, փոխանցում է Lenta.ru-ն:
«Կինն ու իր ընտանիքը խաբել են իմ պաշտպանյալին, նրանք պարտավոր էին հարսանիքից առաջ տեղեկացնել, որ հարսնացուի մեջ ոգի է մտել»,- դատարանում հայտարարել է հացվորի փաստաբանը:
Դատարանը կնոջը մեղավոր է ճանաչել եւ զրոյացրել ամուսնությունը: Սակայն ամուսինը պարտավորվել է կնոջը 40 հազար դիրհամ (մոտ 11 հազար դոլար) վճարել՝ որպես մեկանգամյա ալիմենտ:
Ավելի ուշ սակայն «իրավաբանները» փոշմանել են եւ «մեղավորին» զրկել դրամական որեւիցե աջակցությունից:
