ՌԴ Կրասնոդարի երկրամասում «Սոլիդարնոստ» շարժման ակտիվիստ Վիկտոր Չիրիկովին դանակահարել ենանհայտ անձինք՝ նրա մեքենայի հետեւի ապակու վրա երկրի նախագահի հրաժարականը պահանջող գրության պատճառով: Այս մասին հաղորդում է NEWSru-ն:
«Պուտին, հեռացիր» գրությամբ մեքենայի լուսանկարը Twitter-ի իր միկրոբլոգում հրապարակել է իրավապաշտպան կազմակերպությունների միջտարածաշրջանային ասոցիացիայի նախագահ Պավել Չիկովը:
«Ես մեքենան կայանեցի այնտեղ, որտեղ հաճախ եմ կայանում: Հետեւից կայանեց կապույտ «ՎԱԶ-2109»-ը»,-ասել է տուժածը:
Բացի ձեռքերի վնասվածքներից, ակտիվիստը դանակի հարվածներ է ստացել նաեւ ոտքերին: Ակտիվիստը չի դիմել իրավապահ մարմինները՝ համարելով դա անօգուտ:
2011-ի օգոստոսին Չիրիկովի վրա հարձակվել էին Սեւ ծովի ափին գտնվող «Տկաչեւի ամառանոցի» անվտանգության աշխատակիցները: Այն ժամանակ քրեական գործը կարճվել էր: Իսկ 2013-ի օգոստոսին, երբ ակտիվիստը մասնակցել էր «Ուտրիշ՞ արգելոցի պաշտպանությանը, քարով հարվածել էին նրա գլխին:
