Հայաստանի 8 մարզերի 14 համայնքներում այսօր՝ հոկտեմբերի 19-ին, տեղական ինքնակառավարման մարմինների ընտրություններ են ընթանում:
Մասնավորապես, ընտրություններ են ընթանում Արմավիրի մարզի Գետաշեն, Շենավան, Կոտայքի մարզի Զորական, Վայոց Ձորի մարզի Գնեշիկ, Սերս, Գեղարքունիքի մարզի Դդմաշեն, Ներքին Գետաշեն, Մաքենիս, Լոռիի մարզի Ձյունաշող, Շիրակի մարզի Հովտաշեն, Լուսակերտ, Արեւիկ, Արագածոտնի մարզի Նոր Ամանոս եւ Արարատի մարզի Դալար համայնքներում գյուղապետեր եւ ավագանու անդամներ են ընտրում:
Վայոց Ձորի Սերս, Լոռու մարզի Ձյունաշող եւ Գեղարքունիքի մարզի Մաքենիս համայնքներում առաջադրվել են մեկական թեկնածուներ: Սերսում եւ Ձյունաշողում ՀՀԿ-ական թեկնածուներ են, Մաքենիսում՝ ԲՀԿ-ական:
