Ռուսաստանի Աշխատանքի նախարարությունը կազմել է գյուղատնտեսության բնագավառում աշխատանքների, մասնագիտությունների ու մասնագիտացումների ցուցակը, որոնցով զբաղվելու դեպքում թոշակառուները զգալի հավելավճար են ստանալու: Այդ մասին հաղորդում է «Մոսկովսկի Կոմսոմոլեցը»:
Աղբյուրը նշում է, որ հավելավճար կստանան գյուղացիները, որոնք աշխատել են դաշտում, ֆերմայում կամ հողամասում կյանքի նվազագույնը 30 տարվա ընթացքում: Նրանց համար գրանցված վճարի եւ ծերության ապահովագրական կենսաթոշակի արժեքը կավելանա 25 տոկոսով: Սա կարող են ակնկալել խորհրդային կոլտնտեսությունների խորհտնտեսությունների, մեքենա-տրակտորային կայանների, ինչպես նաեւ ագրոարդյունաբերական հոլդինգների եւ ֆերմերային տնտեսությունների աշխատակիցները:
Ինչպես նշում է պարբերականը, կենսաթոշակի զգալի հավելավճար կստանան ոչ միայն նրանք, ովքեր կարտոֆիլ են աճեցրել, կով կթել կամ կոմբայն վերանորոգել, այլ նաեւ շերամապահները, անձրեւորդ ու խխունջ բուծողները:
Հավելավճար նախատեսվում է նաեւ սուրճ, ծխախոտ եւ դեղագործության ու օծանելիքի արտադրության համար անհրաժեշտ բույսեր աճեցնող կոլտնտեսականների համար:
