Ճապոնական ավտոարտադրող «Nissan»-ը ցուցահանդեսի ժամանակ նոր առեղծվածային մոդել կցուցադրի: Այդ մասին հաղորդում է «Direct Press»-ը:
Ինչպես նշում է աղբյուրը, անանուն կոնցեպտը կցուցադրեն հոկտեմբերի 28-ին Սան-Պաուլոյի ավտոսրահի շրջանակներում: Դատելով լուսանկարից՝ «Nissan»-ը փոքր ամենագնաց կցուցադրի: Աղբյուրն այլ մանրամասներ չի հաղորդում:
2012թ.-ին ճապոնացիները, ինչպես նշում է աղբյուրը, Բրազիլիայում ցուցադրել են «Extrem» մոդելը: Ընկերությունում այն ժամանակ համարեցին, որ մեքենաների նոր դաս են ստեղծել՝ քաղաքի մրցարշավային մեքենա: Սակայն «Nissan Micra»-ի հիման վրա ստեղծված «Extrem»-ն այդպես էլ չարտադրվեց: Հնարավոր է, սա բրազիլիական ցուցանմուշի երկու տարվա էվոլյուցիայի արդյունքն է: