Հայաստանի ԱԻՆ-ում, այսօր՝ ոկտեմբերի 19-ին, ժամը 19.50-ին ահազանգ է ստացվել, որ Վայոց ձորի մարզի Գնդեվազ գյուղի թռչնաբուծարանի մոտակայքում տեղի է ունեցել ավտովթար. «Մոսկվիչ» մակնիշի ավտոմեքենան կողաշրջվել է, կա տուժած. անհրաժեշտ է փրկարարների օգնությունը:
Հայաստանի ԱԻՆ փրակարար ծառայությունից հայտնում են, որ դեպքի վայր է մեկնել մեկ մարտական հաշվարկ:
Պարզվել է, որ բախվել են «Մոսկվիչ» մակնիշի 14 RL 720 եւ «ՎԱԶ 2106» մակնիշի 34 MA 170 համարանիշների ավտոմեքենաները, ինչի հետեւանքով «Մոսկվիչ» մակնիշի ավտոմեքենայի վարորդը՝ 76-ամյա Թ. Բ.-ն, «ՎԱԶ 2106» մակնիշի ավտոմեքենայի վարորդ՝ 27-ամյա Ա. Պ.-ն եւ ուղեւոր՝ 55-ամյա Ա. Պ.-ն արգելափակվել են ավտոմեքենաներում:
Հրշեջ-փրկարարները տուժածներին դուրս են բերել ավտոմեքենաներից, ովքեր հոսպիտալացվել են Վայքի ԲԿ:
