Հայաստանի ԱԻՆ-ում, հոկտեմբերի 19-ին, ժամը 21.54-ին ահազանգ է ստացվել, որ Երեւանի Շոպրոնի փողոցի թիվ 77 շենքի մոտակայքում տեղի է ունեցել ավտովթար, կա տուժած. անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ:
Պարզվել է, որ «Ֆոլքսվագեն» մակնիշի 34 DV 972 համարանիշի ավտոմեքենան բախվել է թիվ 9 երթուղին սպասարկող «ԳԱԶել» մակնիշի 0174S համարանիշի ավտոմեքենային, ապա բախվել արագաչափի սյանը, ինչի հետեւանքով «Ֆոլքսվագեն»-ի վարորդը, մինչ հրշեջ-փրկարարների կանչի վայր հասնելը, տարբեր աստիճանի մարմնական վնասվածքներով հոսպիտալացվել է «Սուրբ Գրիգոր Լուսավորիչ» ԲԿ:
Հրշեջ-փրկարարները հոսանքազրկել են «Ֆոլքսվագեն» մակնիշի ավտոմեքենան եւ դադարեցրել գազի արտահոսքը: