Ոստիկանության Հրազդանի բաժնից մեկ շաբաթ առաջ հաղորդում էր ստացվել 40-ամյա Արման Ս.-ին եւ 39-ամյա Արման Դ.-ին Հրազդան քաղաքի Կենտրոն թաղամասի 35 շենքի մի բնակարանից գողության փորձ կատարելու համար բերման ենթարկելու մասին:
Ոստիկանության մամուլի ծառայությունից հայտնում են, որ ոստիկանների ձեռնարկած միջոցառումների շնորհիվ պարզվել է, որ Արման Ս.-ն սեպտեմբեր ամսին, Միկրոշրջան թաղամասի շենքերից մեկի երկրորդ հարկի պատշգամբի եվրոպատուհանը բացելով՝ մուտք է գործել բնակարան եւ գողացել հեռուստացույց եւ բազմոցի ծածկոց՝ պատճառելով 180.000 դրամի նյութական վնաս:
Գողության մասին տանտերը ոստիկանություն չէր հայտնել: Նրանից ընդունվել է հաղորդում:
Գողոնը մասամբ առգրավված է:
Արման Ս.-ն կալանավորված է:
Կատարվում է քննություն:
Բայց սա դեռ ամենը չէ, ոստիկանները պարզել են նաեւ, որ Արման Ս.-ն սեպտեմբեր ամսին նույն եղանակով մուտք է գործել նույն թաղամասում գտնվող մեկ այլ բնակարան (դարձյալ 2-րդ հարկում) եւ գողացել բաժակներ, ափսեներ, ծաղկամաններ, մոխրամաններ եւ «ԴՎԴ» ձայնարկիչ՝ պատճառելով մոտ 600.000 դրամի նյութական վնաս:
Գողության մասին նախկինում ոստիկանություն չէր հայտնվել:
Գողոնը հայտնաբերվել եւ առգրավվել է:
Քննությունը շարունակվում է: