Հայաստանի ազգային ագրարային համալսարանը պտղատու այգիներ եւ անտառներ տնկող մեքենա է նախագծել: Այդ մասին NEWS.am-ի թղթակցին հաղորդեց համալսարանի ռեկտոր Արշալույս Թարվերդյանը:
«Մեր սարքը թույլ կտա ծառեր տնկել նույնիսկ ամենապինդ հողում եւ պիտանի է ինչպես պտղատու այգիների համար, այնպես էլ անտառներ տնկելու համար»,- պարզաբանել է Թարվերդյանը: Համալսարանի ինժեներական մշակումների թվում են կերի հարիչներ, հնձող եւ թփերի միջեւ առկա տարածքները մշակող մեքենաներ, որոնք ներկայացվել են Երեւանում «Արմպրոդէքսպո» ցուցահանդեսում հոկտեմբերի 17-19-ին:
Շուտով համալսարանը ծրագրում է այդ ամենը ցուցադրել սեփական ցուցահանդեսում: Գյուղմեքենաների մոդելներից բացի այնտեղ կներկայացվեն սննդի արդյունաբերության, անասնաբուժության, սերմնաբուծության, ցեղային անասնապահության մշակումներ: «Հանրապետության ղեկավարի որոշմամբ երեք տարի առաջ մեկ կազմը համալրեցին մի շարք գիտական կենտրոններ: Մենք ըստ արեւմտյան մոդելի դարձել ենք ոչ միայն կրթական, այլ նաեւ հետազոտական ու արտադրողական կենտրոն: Ամենից բացի՝ դա օգնում է լավագույնս կազմակերպել ուսանողների պրակտիկան»,- հավելեց ռեկտորը: