Շվեդիան հերքել է իր տարածքային ջրերում ռուսական սուզանավի վթարի հետ կապված լուրերը: Միեւնույն ժամանակ Շվեդիայի ՊՆ ներկայացուցիչն ընդգծել է, որ որոնողական աշխատանքն իրականացվում է, որպեսզի պարզեն տեղի թերթի հաղորդագրությունը: Այդ մասին հայտնում է «ՏՎ ցենտր»-ը:
Աղբյուրը նշում է, որ ծովակալ Անդերս Գրենստադը հայտարարել է, թե ափային ծառայությունը որոնողական աշխատանք է իրականացնում` տեղի մամուլի տարածած տեղեկությունները պարզելու նպատակով: Անցած շաբաթ հոդված էր հայտնվել Շվեդիայի ջրերում ռուսական վթարված սուզանավի մասին: Ռուսաստանի ռազմական գերատեսչությունն էլ իր հերթին հայտարարել էր, որ ոչ մի արտասովոր, առավել եւս` վթարային դեպք ռուսական ռազմանավերի հետ չի եղել եւ չկա:
Հիշեցնենք, որ հոկտեմբերի 19-ից Շվեդիայում հատուկ գործողություն է իրականացվում` վթարային սուզանավի որոնումների հետ կապված: Ենթադրվում է, որ դա ռուսական սուզանավ է, որը կապի մեջ է դուրս եկել Կալինինգրադի հետ: