Իսպանիայում բռնվել է խոշոր հանցախումբ: «Քարթուլի» գործողութան հետեւանքով, որին մասնակցել են Իսպանիայի ազգային ոստիկանությունը եւ Քաղաքացիական գվարդիան, ձերբակալվել է 28 մարդ, հայտնում է «Գռուզիա Օնլայնը»:
Աղբյուրը նշում է, որ հանցախումբը կատարել է շուրջ 50 կողոպուտ: Հանցախումբը գործել է Մադրիդում, Կատալոնիայում եւ Կաստիլիա լա Մանչում:
Իսպանիայի տեղեկատվական գործակալությունը հայտնում է, որ հանցախումբը կազմված է եղել քրեական երկու հանցախմբերի անդամներից` ռուսական եւ վրացական: 28 ձերբակալվածները վրացի են` 22-58 տարեկան:
Ոստիկանները հաշվել են հանցախմբի իրականացրած շուրջ 50 զինված կողոպուտի դեպք: Ոստիկաններին հաջողվել է հանցախմբի հետքի վրա դուրս գալ եւ պարզել դրա անդամների բնակության վայրը: Նրանք բոլորն ապրել են մայրաքաղաքի Վիլյավերդե թաղամասում: Խուզարկության ժամանակ հայտնաբերվել են գողացված իրեր` զարդեր, ժամացույցներ, ոսկու ձուլակտորներ: